Array ( ) روح القصيد
حمل تطبيقنا الآن من قوقل بلاي سياسة الخصوصية

روح القصيد

شعر صداقة مدح رجوله كفو والرديء

شعر صداقة مدح رجوله كفو والرديء شعر حزين وألم وعتاب شعر فراق جروح خيانة شعر اسلامي- الجمعة -دعاء اشعار بدويه متنوعه شعر صباح ومساء شعر كبرياء وعزة نفس اشعار عيد الفطر والاضحى ومناسبات ملاحظات هاامه والدردشه قصائد شعراء العرب والخليج صور بدويه رمزيه متنوعه شعر عن الأم والأب شعر رومنسي شوق حب غزل حالات وتساب جديده حالات وتساب ستوري24 ساعه

السالفه طولت ياللي تسولف بها والفعل مامبه فعل كله كلام بكلام. والله لوتحظن الكعبه و تحلف بها. ان اولك نور لكن اخرتك الظلام

اتغيشم لك و انا مانيّ غشيم و الخطا مردود و الزله بلاش النقاش احيان موضوعه عقيم لا تلوم اللي قفل باب النقاش ..!

والله ياجلسةٍ مع نفسي اشوالي من جلسة اللي تنافقك بتحففها ' بعض الاماكن تحد الطيب الغالي يصادف وجيه ماوده يصادفها

الحصان ان طاح ترفعه العزوم. خبر اللي يفرحون بطيحته. والحمار ان طاح جعله مايقوم. دايمٍ تسبق دموعه صيحته.

لو نطلب الناس ماسرت ولا ضرت الخالق الله وحنا من مخاليقه يامل قلبً يغرد كل ماغردْت كنه يعبر عن اللي في معاليقه وامنين ماكبر قرص الشمس واحمرت كبرت على الضايق اللي مثلي الضيقه يالله بنفحات جودً كل مامرت يمر معها فرج ربي وتوفيقه

أحديدور لك خطا وأنت ماخطيت وأحد يدور لك عذروأنت مخطي يالله عسى الثاني مثل ماتمنيت تضحك سنينه عكس الأول وتبطي

لا صرت ما تقدر تجاريه بالطيب ماهو ضروري بكل مجلس تسبه جميع طيب لا شهر بالمراقيب تلقى الخشاش الطايحه ماتحبه

الناس عادات وقناعات وطبوع وأنا ماأحب أزيد معهم كلامي لاصرت أجاريهم في كل موضوع لاشك بفقد هيبتي وأحترامي

احفظ لسانك والعرب مايرحمون كلن يفسر هرجتك باللي يبيه الناس تالى الوقت صارو يزعلون ولا يقبلون العذر لو أنه وجيه حتى الرفيق اللي عليه أول تمون كانك تطيع الشور لاتمزح عليه

ياصاحبي درب العلى عسر بالحيل ودونـه مـسافه جـرهـديه وجـردى وقدمك لعكفان الشوارب مداهيل قطّاعة الفرجه على كل سردى وان كان ماتقدر دروب الرياجيل عود وتلقى واحدٍ منك واردى

رفقةً تِبنا على غايه تَهَدّم لاتزيد ولاتقول ولاتجامل دور اللي كل مازل يتندّم لاتحاول تبحث عن انسان كامل

يعجبني اللي في ربوعه تنومس يشوش راسه لا مدحت ابن عمه والا الضعيف ب مدح ربعه تعومس ويزين وجهه للردى والمذمه

يحكي بك اللي عـاجـزٍ عـن دروبك لا فــاعـلٍ فـعـلـك ولا هـو مجنبك اعرف على جسمك تفاصيل ثوبك واتـرك مـذاهـبـهم وعـزز مذاهبك

راحت علاقات العرب طاش ماطاش بعض الاوادم مثل بعض المواشي يامدعي صدق الغلا وانت غشاش لاتنتقد مشي الجمل وانت حاشي

قانع ووزع للبشر إبتسامات حتى ولو نفسي تزايد وهجها . وأن ضاقت الدنيا بعيني سهالات ماهي تضيق وعند ربي فرجها

لا تتعب ورى اللي ماورى عرفهم نوماس ولا تستحي من ناس مهيب مستحيه لو أن الحيا مثل الشعر في وجيه الناس لقيت أكثر العالم لا شارب ولا لحيه

ما يستفز الرجال اللي عليها الكلام ويضّيق صدورها ويبيْح مكنونها الا مشاريه طلقين الوجيه الحشام في حاجةٍ حالت الاقدار من دونها

ياصاحبي كان طيب القلب عذروبي وش عاد اسوي ابقلبً زايدً طيبه ياكثر مخطي ياربي تغفر اذنوبي ولا انت فاجر وفعل الشر تحريبه

ياابلغ من الصمت واكبر من حدود العتب ماني على زلة الصاحب قريّب مدا . اسكت لان السكوت المعتبر من ذهب مابي يجي للسوالف بالمجالس صدا

كنت احسبنك يارفيقي اسنافي اثريك في وقت الشدايد دجاجه خلاص بين منك ماكان خافي وقولً بليا فعل يصبح سماجه سرجت خيلي ومتطيت القوافي الحر ينزع والدجاجه دجاجه

المعطي المناع معطي ومناع يالعبد لاضاقت بك السُبل ناجه بعض الضروف اتخلي الصعب مطواع يشرب قراح الما ويشرب هماجه راع الجميل افرح بطاريه وارتاع من ثُقل معروفه وضحكة احجاجه محرجني ابطيبه لوالطيب ماضاع مير اكثر الاحراج يوم انتواجه الله يعين المستحي طايل الباع لاصارله عند الرياجيل حاجه

بينك وبين النور ياصاحبي باب بابً حجب نور الامل عن اعيونك يااصاحبي عدوان لاوالله اصحاب قد قلت لك لاطحت ماينفعونك #تطبيق_روح_القصيد

لكم وعد ياجارنا ? ناخذ الثار.. والدين عنكم واجب انا نسده.. وقت الشدايد يفزع الجار للجار.. الموج الازرق ? كل سدن يهده.. #تطبيق_روح_القصيد

قـلـبي مــن أوجــاع الـزمـن صـار مـليان هـــــذه حــقـيـقـه يــابـشـر وإفـهـمـونـي عـايـش حـيـاتي بــس فـي هـمّ وأحـزان والــهـم صـــوره فـــي مـحـاجر عـيـوني ان جـيـت أراجــع مـامـضى لـي ومـاكان مــــــا أنــتــهـي إلّا وتـــدمــع جــفــونـي أتــذكّــر الــمـاضـي مــواجــع وأشــجـان كــــم يــــا بــشــر عـزّيـتـهم وأهـمـلـوني جـُـــرحٍ يــذكّـرنـي عــلـى حـــبّ خـــلّان يـــوم كــنـت عـاشـقـهم وهـُـم عـذبـوني وجـُرحٍ مـن أصـحابي عـلى مـر الأزمـان يـــوم كــنـت أنـــا عـاثـر وهـُـم تـرّكـوني حــتــى هَــلــي مـاعـنـدهم أي حـُسـبـان مــهـمـا أغــيــب عــنـهـم ولا يــذكـرونـي وانـــا بــشـر حــتـى ولــو كـنـت غـلـطان مــهــمـا يــكــون لازم لــهـُـم يـفـهـمـوني صوت الجروح في داخلي عزف وألحان عــلـى زمـــن فــيـه الـحـبـايب نـسـونـي مـــا هـمـهم لــو كـنـت؟ أو كـنـت تـعـبان كــــلا ولــــو حــتـى يـشـوفـوا جـنـونـي مــلـيّـت مــــن دنــيــا تــعــذِب لإنــسـان والــكُـل خـــاب يـاقـلب داخــل ظـنـوني والآن مـسـجون بــس مــن دون سـجّان سِـجـن الـغـثاء والـقـهر داخــل شـجوني وانـــا الــذي قــد كـنـت شـامـخ كـعـيبان وهـمّـي .. وحـظّـي .. والـبـشر أتـعـبوني وآخـــر مـُنـايا بــس فــي قـطـعة أكـفـان أطـــوي بــهـا جـسـمـي وهـُـم يـقـبروني الـمـوت أهــون دونـمـا آعـيـش طـفـشان مـــن نـــاس أغـلـيـهم وهـُــم يـكـرهوني تـمـطر عـيـوني مــن فــؤادي والأجـفـان ويــا لـلأسـف كــل الـبـشر قــد جـفوني.