شعر عن الأم والأب

والله اني لو رخصت العمر كله في رضاك

والله اني لو رخصت العمر كله في رضاك
مايوفي ربع حقك وانت حقك مايهون
يايبه ياتاج راسي يا عسى عمري فداك
ياغناتي والله انك لو تبي عيني تمون
ياشبيه الغيث لامن ساقته غر المزون
والله اني لو كثر خيري فانا خيري ذراك
. شوفني بنت كامله بس دونك .. ويش اكون؟
ووش يكون العمر من دون اجتهادي في غلاك
ووش يكون العطف والرحمه بدونك وش تكون؟
يايبه يانور عيني شب عمري في هناك
والله انه ابرد امن الما على كبدالظعون
يايبه ياجعل روحي فدوه لموطى خطاك
حطني بينك وبين الوقت وكبار الطعون
العمر والنفس واللي املكه كله فداك

#تطبيق_روح_القصيد_متجر_بلاي

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق