قصائد شعراء العرب والخليج

(.تغيب السنه عادي وترجع بدون أعذار،

(.تغيب السنه عادي وترجع بدون أعذار،
ولاهمّك اللي يشتكي لك من همومه،
،
تسولف عليّ وتنشد عن آخر الأخبار،
وأنا أخباري بدونك من الخير معدومه،
،
تعلقت بك غصبن عليّه ولكن : صار،
ومن يستطيع يرجّع شوي من يومه.؟!
،
عطيتك شواطي قلت لك إرسّ يابحّار،
أنا لك وطن والكل راضي بمقسومه،
،
ولكنّ غرورك طمّعك والزمن دوّار،
وحتّى الزمن مابيّن بوجهك وسومه،
،
كأنّه على كيفك يقدّم لك وتختار،
تنقّى الّذي يناسب مقاسك من هدومه،
،
تفنن بتعذيب الضماير ولا تحتار،
ومن يعشقك لابد ماتكسر عزومه،
،
تبختر بحسنك وإنت حسنك فتيل ونار،
يحرم العيون المستريحه من النومه،
،
على شانك الدنيا غدت كلّها شعّار،
من أوّل سوالف رمشك إلـ آخر علومه؟!.)

للـ شاعر #متعب_النصار_الشراري

#حمل_تطبيق_روح_القصيد_متجربلاي

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق
إغلاق